警尖嘴截查市民 防暴狂爆粗挑釁記者

219

晚上7時許,超過6名防暴警在尖沙嘴截查一名戴口罩男子,其中一人為督察,行動呼號為:「EU KW 4 Pln Cdr」,相信為西九龍衝鋒隊隊員。當記者上前拍攝時,防暴警突然向旁邊拍攝記者詢問是否認識有關男子。記者表明身份及出示記者證後,防暴警開始叫喊記者全名,並不斷嘲諷、挑釁和無端指控記者,例如「喂你撞到我支槍喎小姐」、「唔使咁仇警嘅」、「你係做蘋果嘅,你估搵唔到你咩,唔好玩啦」。

其後,記者要求警員出示委任證,防暴警竟以有行動呼號為由拒絕出示,更說「我點解要畀委任證你睇,我都唔係查你身份證」、「唔使委任證啊傻嘅咩」、「你畀完我睇唔一定要畀你睇㗎,唔合理咪唔畀你睇囉」,情緒明顯失控。

截查期間,防暴警又稱「(被截查男子)俾你累死喇,除低口罩俾你影」,更恐嚇被截查男子「喂阿生鍾唔鍾意俾佢影啊,影曬擺曬上網喎,驚啊」。突然,防暴警竟屈被截查男子不想錄影,更言「人哋唔想你影你又喺度係咁影,蘋果日報真係包拗頸嘅」,該名被截查男子隨即大喊澄清「我無話唔想喎」。防暴被踢爆老屈後老羞成怒,竟人身攻擊記者,例如「呱呱嘈」、「記者嚟㗎」等。一輪擾攘後,該名男子終獲放行。

《蘋果》翻查資料,現時本港沒有法例禁止市民在公眾地方拍攝,而且香港法律亦無肖像權,拍攝路人並無違法,也無權要求拍攝者刪除相片,惟當事人感到被拍攝者滋擾或相片侵犯個人私隱,則可向法庭申請禁制令,要求停止拍攝行為及刊登相片。

對於警察經常刻意阻撓記者採訪,記者已不感意外,直言:「我認為這次於天星碼頭之行為乃明顯挑釁。首先,大聲公開讀我名字及質疑採訪工作,已有違紀律部隊應有專業,亦為妨礙新聞自由之舉;第二,記者證上清楚印有我中英文全名,惟警員仍然讀錯,我認為其教育水平值得商榷;第三,當問及委任證及被記者質疑其行動呼號一事,有警員明顯即時情緒激動。為此,我認為警方有必要重新檢視其同僚之智商及情商。」

【對答全文】
克警:你係佢女朋友呀?你識得㗎?頭先見你影相喎!
(記者拿出記者證)
克警:哦!蘋果日報嘅沈XX,編號係:XXXXXX,無啦啦先拎個證件出嚟…喂你撞到我支槍喎小姐
克警:沈XX小姐,我哋而家搜緊身呀!
克警:唔使仇警嘅沈XX
記者:你讀錯我個名
克警:點讀呀?你係做蘋果嘅?你估搵唔到你咩?唔好玩啦!
克警:唔話得畀我聽你個名嘅?
記者:唔係呀,你都冇講啦
克警:有呀,有行動呼號!
記者:行動呼號咋嘛!
克警:行動呼號而家係咁規定㗎嘛
記者:你嘅委任證呢?
克警:點解要畀委任證你睇?你傻㗎咩?我都唔係查你身份證,點解要畀你睇?
記者:我都有畀記者證你睇啦
克警:唔相稱㗎!你畀完我睇,我唔一定要畀你睇㗎,唔合理咪唔畀你睇囉,我唔一定要答應你要求㗎!load唔到,轉唔到喇?
(10秒後)
克警:真係俾你累死喇,除咗口罩畀你影!阿生,你想唔想畀佢影呀?影曬擺曬上網喎
記者:我唔會擺上網
克警:你講呀?
克警:(先生)你驚呀?佢話驚呀!唔好影!呢個先生唔想你錄影!你咁樣影人哋都有㗎!你哋蘋果日報,人哋都講明唔想俾你影,你仲要影!蘋果日報真係呀!包拗頸!
當事人:我冇話唔想喎
記者:如果你哋個截查係冇問題嘅,我係唔會影!
克警:你都影緊啦!有冇問題唔係你講嘅
記者:咁而家有冇問題呀?影唔影得呀?
克警:你話呢!
記者:咪繼續影緊,人哋有冇話驚呀?
克警:咁你咪繼續影囉,呱呱嘈!
記者:咩事呀
克警:咪做嘢囉!呱呱嘈!你做咩呀?記者嚟㗎?
記者:你識唔識睇字呀?
克警:蘋果日報呀可