市中心月租酒店 佐敦香港彩鴻酒店

30

想過二人世界、追求私人空間,或者屋企要裝修?月租酒店都係一個唔錯嘅選擇,除咗有酒店式嘅服務,租期相對有彈性,唔駛按金上期,仲可以趁呢段同居時間,睇清楚M佬究竟嫁唔嫁得過!今次我哋嚟到位於佐敦嘅香港彩鴻酒店,無論月租定日租Staycation都夠晒經濟實惠,加上位處市中心,真係去邊都夠晒方便。

【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店

酒店大堂
香港彩鴻酒店位於佐敦,樓高15層,提供126間客房。酒店距離佐敦港鐵站約5分鐘步程,而喺彌敦道亦有多條巴士路線選擇。酒店位於內街,靜中帶旺,無論去廟街、尖沙咀柏麗大道定油麻地都夠晒方便。

【香港Staycation】市中心月租酒店 佐敦香港彩鴻酒店

房型種類
酒店分為兩種房型,分別係豪華房(大床房或雙床房)同尊貴房(大床房)。兩者嘅主要分別係房間嘅面積同樓層。今次睇呢個月租Hotel tour就發現高層房間可以遠眺港島區,視野夠晒開揚。

【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店

客房區域
今次我哋入住尊貴房,以呢個價錢同佐敦嘅鬧市嚟講,空間感算係十足,房間設有兩個衣櫃,有足夠位置畀住客放行李。

【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店

床就係標準嘅King Size,可以三邊落床,床單軟綿舒服,而枕頭總共有4個,2個軟2個硬。床嘅兩邊都有床頭櫃同閱讀燈,仲有插頭同USB充電位,臨瞓前可以睇吓書或者㩒電話。另外,由於酒店位處內街,加上房間遮光度一流,喺度瞓覺非常舒服。

【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店
【香港Staycation】市中心月租酒店 佐敦香港彩鴻酒店

但令我哋最欣賞嘅係有一張闊落嘅工作枱,無論食嘢、放嘢定係做嘢都夠晒方便。

【香港Staycation】市中心月租酒店 佐敦香港彩鴻酒店

電視除咗提供本地免費頻道之外,都有提供衛星電視選擇,兩個人坐喺度睇吓電視,呢啲咪就係簡單嘅幸福感囉。另外,房間亦有提供免費wifi,速度都算穩定,咁月租嘅朋友連上網錢都可以慳番啦!